დიდი ქართველი მეცნიერისა და საზოგადო მოღვაწის – ექვთიმე თაყაიშვილის შრომების მრავალტომეული დღემდე არ არის გამოცემული, მეტიც – მისი მემკვიდრეობის გარკვეული ნაწილი დღემდე გამოუქვეყნებელია, ნაწილი კი ბიბლიოგრაფიულ იშვიათობადაა ქცეული. თხზულებების სრულად გამოცემის საქმე საქართველოს მეცნიერებათა ეროვნულმა აკადემიამ და გამომცემლობა „არტანუჯმა“ ითავეს. შრომების გამოცემა დაახლოებით 12 ტომადაა ჩაფიქრებული. - - III ტომში შევიდა „არხეოლოგიური მოგზაურობა ლეჩხუმ-სვანეთში 1910 წელს“. გამოცემას დართული აქვს შესაბამისი ილუსტრაციები, რომლებიც ექსპედიციებისასაა გადაღებული და დღეს დაცულია ექვთიმე თაყაიშვილის პირად არქივში. წიგნს ასევე ახლავს ვრცელი პირთა და გეოგრაფიულ სახელთა საძიებელი.