ჟან-პოლ დიუბუა - ცნობილი ფრანგი მწერალი და ჟურნალისტი - 2019 წელს ფრანგული ლიტერატურის პრესტიჟული ჯილდოს - გონკურის ლაურეატი გახდა. „ყველა ერთნაირად როდი ცხოვრობს“ მწერლის ქართულ ენაზე გამოცემული პირველი რომანია. პოლ ჰანსენი მონრეალის პროვინციულ ციხეშია გამოკეტილი - პირქუშ და თითქოს სულიერ არსებაში. ახლა მისი ცხოვრება შმორის სუნისგან, სისასტიკისა და სასოწარკვეთილებისგან შედგება. ამიტომაც ხშირად წარსულს აფარებს თავს - იმ დროს, როცა ბედნიერი იყო თავის ლამაზ ინდიელ ცოლსა და საყვარელ ძაღლთან ერთად; იმ დროს, როცა დედა ჰყავდა. ძალიან ლამაზი, ესთეტი ქალი, და მამა, დანიელი პასტორი, რწმენის ურწმუნო ტყვე; როცა გულღია, კეთილი ადამიანი იყო და ერთ დღესაც სხვების უგულობამ დანაშაულამდე მიიყვანა.